ჯანმრთელობის მსოფლიო დღე ყოველწლიურად 7 აპრილს აღინიშნება და მიზნად ისახავს საზოგადოების ცნობიერების ამაღლებას ჯანმრთელობის მნიშვნელობაზე. თარიღი მსოფლიო ჯანდაცვის ორგანიზაციის (WHO) დაარსების დღეს ემთხვევა და ყოველ წელს ახალი თემატიკით გვახსენებს, თუ რამდენად მნიშვნელოვანია პრევენცია, თავის მოვლა და ცხოვრების ჯანსაღი წესის დაცვა.
2025 წლის თემატიკა: ჯანსაღი დასაწყისი – იმედიანი მომავალი
ჯანმრთელობის მსოფლიო დღე 2025 წელს ეძღვნება დედათა და ახალშობილთა ჯანმრთელობას. წლევანდელი კამპანია – „ჯანსაღი დასაწყისი, იმედიანი მომავალი“ – მოუწოდებს მთავრობებსა და ჯანდაცვის სექტორს გააძლიერონ ძალისხმევა, რათა დასრულდეს დედათა და ახალშობილთა თავიდან აცილებადი სიკვდილიანობა და პრიორიტეტად იქცეს ქალების გრძელვადიანი ჯანმრთელობა და კეთილდღეობა.
WHO და პარტნიორი ორგანიზაციები ავრცელებენ პრაქტიკულ ინფორმაციას ჯანმრთელი ორსულობის, მშობიარობის და პოსტნატალური პერიოდის გაუმჯობესებისთვის.
არსებული სტატისტიკით, მსოფლიოში ყოველწლიურად დაახლოებით 300,000 ქალი იღუპება ორსულობის ან მშობიარობის გართულებების შედეგად, ხოლო 2 მილიონზე მეტი ახალშობილი სიცოცხლეს პირველი თვის განმავლობაში კარგავს. ამასთან, კიდევ 2 მილიონი ბავშვი ებადება მკვდრად – ეს ნიშნავს, რომ ყოველი 7 წამში ერთი სიცოცხლის გადარჩენა შეიძლებოდა.
ქალებსა და ოჯახებს სჭირდებათ ფიზიკურად და ემოციურად დამხმარე, ხარისხიანი ჯანდაცვა როგორც მშობიარობამდე, ასევე მის დროს და შემდეგაც. ამისთვის აუცილებელია ჯანდაცვის სისტემების განვითარება, რაც მოიცავს არა მხოლოდ უშუალო გინეკოლოგიურ გართულებებს, არამედ ფსიქიკურ ჯანმრთელობას, არაგადამდებ დაავადებებსა და რეპროდუქციულ დაგეგმვას.
ბალნეოთერაპია – ბუნებრივი გზა ჯანმრთელობისთვის
თბილისის ბალნეოლოგიური სპა კურორტი უკვე წლებია ემსახურება ადამიანების ჯანმრთელობას და კეთილდღეობას ბუნებრივ, არაინვაზიურ და სანდო მეთოდებზე დაყრდნობით. ბალნეოთერაპია, ანუ მინერალური წყლებით მკურნალობა, საუკუნეების განმავლობაში გამოიყენებოდა სხვადასხვა დაავადებების პრევენციისა და მკურნალობისთვის.
- პრევენციის მნიშვნელობა – ბალნეოლოგიური პროცედურები ეხმარება ორგანიზმს გაჯანსაღებაში, იმუნური სისტემის გაძლიერებაში და სხვადასხვა ქრონიკული დაავადების პრევენციაში;
- ბუნებრივობა და ეკოლოგიური სისუფთავე – გოგირდოვანი წყლები, სამკურნალო ტალახი, მარილის თერაპია და სხვა მეთოდები არ საჭიროებს მედიკამენტურ ჩარევას;
- ფიზიკური და მენტალური ჰარმონია – ბალნეოთერაპია ერთდროულად მოქმედებს სხეულზე და გონებაზე – ამცირებს სტრესს, აძლიერებს ენერგიას და აუმჯობესებს ძილს;
- ხელმისაწვდომობა და ინკლუზიურობა – პროცედურები ყველასთვის ხელმისაწვდომია და მორგებულია ინდივიდის საჭიროებებს.
იზრუნე საკუთარ ჯანმრთელობაზე თბილისის ბალნეოლოგიურ სპა კურორტთან ერთად.