მემორანდუმის გაფორმების შემდეგ თბილისის ბალნეოლოგიურ კურორტში თემაზე – სექსუალური განათლება სექსუალური ჯანმრთელობისთვის, ლექტორიუმი გაიმართა.
ლექტორიუმი წარიმართა მოხსენებებისა და დისკუსიის ფორმატში.
მოხსენებები:
„პარტნიორობის და სექსუალური განათლების განვითარება უმაღლესი განათლების სფეროში: აკადემიკოსებისა და პრაქტიკოსების აზრის კვლევა საქართველოში“ – აღმოსავლეთ ევროპის უნივერსიტეტის რექტორი, განათლების მეცნიერებების დოქტორი – კახაბერ ლაზარაშვილი;
„სექსუალური განათლება როგორც სტუდენტთა პიროვნულ განვითარებაზე ორიენტირებული განათლების ნაწილი: ჰოლისტური მიდგომის საჭიროება“ – აღმოსავლეთ ევროპის უნივერსიტეტის პროფესორი, ფილოსოფიის დოქტორი – გიორგი თავაძე;
„სექსუალური ჯანმრთელობის პროგრამა და სერვისები“ – თბილისის ბალნეოლოგიური კურორტის ფსიქო-სოციალური მიმართულების ხელმძღვანელი, კლინიკური ფსიქოლოგი, ნეირომეცნიერების დოქტორი – ნინა გოგოხია.
